Ang aking mga mirasol
Alagad ng Musika
Alagad ng Sining
Nawa’y kayo ay pagpalain
Ng Dakilang Lumikha
Nawa’y maging matatag ang inyong puso,
At matuwid ang inyong landas.
Manatiling mapagpakumbaba sa bawat tagumpay,
May tapang sa bawat pagsubok.
Dalhin ninyo ang liwanag saan man kayo naroroon,
At ipadama ang pag-asa sa inyong mga gawain at likha.
Kasabay ng kabutihan at katarungan
Habang kayo’y patuloy na naglalakbay
Tandaan ninyong lagi kayong mahal.
Kayong aking mga mirasol
Laging harapin ang liwanag.
No comments:
Post a Comment